Ангилал: зөвлөгөө-эцэг эхчүүдэд
Гэр бүлийн аз жаргалтай байх 10 дүрэм
1.Хэзээ ч зэрэг бүү уурла.Хурц үед хэн нэгэн нь биеэ барих чадвартай байх хэрэгтэй.2.Асуудалтай үед дуугаа бүү өндөрсгө.Нэг нь чанга хашгирах тусам нөгөө тал эсрэг дүгнэлтэд автоматаар хүрнэ.
3.Маргаанд хэн ч ялдаггүйг санаарай. Ялсан, ялагдсан аль ч тохиолдолд сэтгэлд сэв суудаг юм.
4.Хэрэв шүүмжилмээр байвал голд орсон хүйтэн, хатуу үгээр бус, зөөлөн, хошин өнгө аяс хэлбэрийг сонгоорой.
5.Хэн нэгнийхээ улирч баларсан түүх, өнгөрсөн алдаа дутагдлыг хэзээ ч бүү сөх.
6.Янз бүрийн шалтгаанаар бий болсон уур уцаар, сэтгэл санааны таагүй байдлаа ханьдаа бүү гарга.
7.Маргаантай асуудлаа шийдээгүй тохиолдолд өрөө тасалгаандаа бүү гүйж ор. Дор нь шийдэж бай.
8.Өдөрт ядаж нэг удаа ханьдаа аятайхан үг хэлж сур. Хариуд нь та ч мөн адил тааламжтай үг сонсоно.
9. Хэрэв та ямар нэг алдаатай зүйл хийчихвэл буруугаа хүлээж уучлалт гуйх тэнхээтэй бай.
10. Хэрүүл үүсэхэд хоёр хүний хүсэл шаардлагатай. Хэрэв нэг нь хүсэхгүй бол хэрүүл гарахгүй гэдгийг санаарай.
