Ангилал: сурган хүмүүжүүлэх зөвлөгөө

• Багшийн өөрийгөө удирдах техник

1. Дуу хоолойны техник: Багш гаргаж байгаа дуу авиагаа ойрын, дундын, холын зайд хүргэхээ тооцоолж тохируулах арга барил.       Тодорхой нөхцөл хэрэгцээ зорилгоос шалтгаалж багшийн дуу өндөр, дунд зэрэг, нам болж байх ба дуу хоолойны өнгө аль болох зөөлөн, өөртөө итгэлтэй байх хэрэгтэй.
   
2. Нүүрний хувирлын техник: Багш элэгсэг найрсаг, төлөв түвшин,тайван,хүүхдэд өөдрөг ханддаг, хүүхдийг байгаагаар нь хүлээн авч ойлгоход, туслахад бэлэн байгаагаа илэрхийлэх арга барил. Энэ техникт харц хамгийн чухал.Багшийн харц ямар ч нөхцөлд зөөлөн тайван өөртөө итгэлтэй байна.Сурагчтай харьцахдаа заавал түүний нүүр рүү,нүд рүү харна.Багшийн нүдний хөдөлгөөн тогтвортой байх нь ач холбогдолтой.
   
3. Хэл ярианы техник: Багш үгийг цэвэрхэн, тод,сонсголонтой хэлэх, ярианыхаа хурдыг сонсогчийн мэдээлэл хүлээн авах,боловсруулах, тэмдэглэл хийх хурданд тохируулан ярих арга барил юм. Хүүхдэд ойлгомжтой тодорхой ярих үүний тулд нэг үгийг олон янзаар хэлэх чадварыг багш эзэмшсэн байх ёстой.
   
4. Хөдөлгөөний техник: Багш ангийн хаана байх, яаж алхах гишгэх, яаж суух, гараа ямар байдалтай байлгах, толгойгоо яаж хөдөлгөх гэх мэтийг эвсэлтэй оновчтой гүйцэтгэх урлаг юм.
   
5. Сэтгэлийн хөдөлгөөнөө эзэмдэх техник: Багш сэтгэлийн эерэг сөрөг хөдөлгөөнийг хянах, сэтгэл санаагаа зөв илэрхийлэх арга барил юм.